Краязнаўчы калейдаскоп

Чацвёрты дзень тыдня беларускай мовы і літаратуры дадаў новых фарбаў.

20 лютага ў 8 "Б" класе прайшла інтэлектуальная гульня "Роднай мовы гукі чароўныя", прысвечаная Дню роднай мовы. Спачатку вучні ўспомнілі і прачыталі вершы пра родную мову. Потым падзяліліся на каманды. Удзельнічаючы ў конкурсах, вучні праявілі кемлівасць і дасціпнасць. Конкурс "Хвілінка эрудытаў" дапамог згадаць знакамітыя імёны Беларусі. Цікава прайшоў конкурс наборшчыкаў. З прапанаваных літар трэба было скласці як мага больш слоў. Перамагла тая каманда, якая назвала больш новых слоў. Мерапрыемства закончылася ўручэннем сертыфікатаў удзельнікам інтэлектуальнай гульні.       

Да святкавання  далучыліся  і вучні 9-х  класаў. Яны ўдзельнічалі ў віктарыне   “Краязнаўчы калейдаскоп”.  Навучэнцы здзейснілі своеасаблівае падарожжа па прасторах нашай Беларусі,   пераканаліся ў тым, якая прыгожая і  непаўторная  наша Радзіма.

Вучні 5-х класаў прынялі актыўны ўдзел у конкурсе малюнкаў “Маё любімае беларускае слова”, квэст-гульні “З родным словам па жыцці”, наведалі ілюстрацыйна-кніжную выставу “З днём нараджэння, родная мова”.

Дзеці з задавальненнем прынялі ўдзел у мерапрыемстах. Ім вельмі спадабалася адгадваць загадкі, складаць вершы, маляваць. Кожны змог праявіць свае творчыя здольнасці.