21 лютага – Міжнародны дзень роднай мовы

Беларуская мова – душа нашага народа. Гэта тое, што яднае нас і робіць унікальнымі. Гэта мова нашых продкаў, на якой яны спявалі калыханкі, расказвалі казкі і тварылі гісторыю.

Сёння, 21 лютага, мы адзначаем Міжнародны дзень роднай мовы! Гэта цудоўная нагода, каб успомніць пра багацце і прыгажосць нашай мовы, пра яе культурную значнасць.

У гэты дзень былі падведзены вынікі анлайн-конкурсу “Паэзіі радок чароўны”, пераможцамі якога прызнаны Юшко Дамініка і Музычка Іван. Конкурс сачыненняў “Кожны народ мае хаця б адзін геніяльны твор, і гэты твор - мова” дапамог раскрыць творчыя таленты кожнага ўдзельніка. Грамадскасць школы прыняла ўдзел у Гродзенскім абласным дыктанце. З дапамогай лэпбука “Беларускае нацыянальнае адзенне” вучні пазнаёміліся з гісторыяй беларускага касцюма, асноўнымі часткамі мужчынскага і жаночага адзення. Павысіць свой інтэлектуальны ўзровень, праверыць свае веды дапамагла інтэрактыўная гульня “З любоўю да роднай мовы”.